ଅଲକାଏଦାର ଟାର୍ଗେଟରେ ଆଇଏଏସ ଏବଂ ଆଇପିଏସ

0
834
al queda
al queda
ନୂଆଦିଲ୍ଲୀ  :  ଆତଙ୍କବାଦୀ  ସଙ୍ଗଠନ  ଅଲକଏଦା ଟାର୍ଗେଟରେ ଆଇଏଏସ ଏବଂ ଆଇପିଏସ।  ଜାତୀୟ ଗଣମାଧ୍ୟମ ସଂସ୍ଥା ଆଜତକକୁ ମିଳିଥିବା ଏକ ଅଡିଓ କ୍ଲିପରେ ଏହାର ଖୁଲାସା ହୋଇଛି ।
ଭାରତୀୟ ମୁସଲିମ ଯୁବକଙ୍କୁ ଜେହାଦ ପାଇଁ  ଅଲକଏଦା  ଉସକାଉଥିବା ଜଣାପଡିଛି  । ସେମାନଙ୍କୁ ହିନ୍ଦୁ ଆଇଏଏସ ଏବଂ ଆଇପିଏସ ଅଫିସରଙ୍କୁ ମାରିବା ପାଇଁ କହିଛି ଏହି ଆତଙ୍କୀ ସଙ୍ଗଠନ । ଜାତୀୟ ଗଣମାଧ୍ୟମ ସଂସ୍ଥା ଆଜତକକୁ ମିଳିଥିବା ଏକ ଅଡିଓ କ୍ଲିପରେ ଏହାର ଖୁଲାସା ହୋଇଛି ।  ସୂଚନା ମୁତାବକ, ଏହି ଅଡିଓ ଟେପରେ ଉତରପ୍ରଦେଶର ସଂଭଲରେ ରହୁଥିବା ଅସିମ ଉମରବୋର୍ନ ନାମକ ଜଣେ ମୌଲାନା ବିଜେପିକୁ ଦେଶ ଏବଂ ମୁସଲିମ ବିରୋଧୀ କହିବା ସହ ନିନ୍ଦା ମଧ୍ୟ କରିଛନ୍ତି । ଏହା ସହ ସେ ଭାରତରେ ନିୟୋଜିତ ସମସ୍ତ ଆଇଏଏସ ଏବଂ ଆଇପିଏସ ଅଧିକାରୀଙ୍କୁ ହତ୍ୟା କରିବା ପାଇଁ ମୁସଲିମ ଯୁବକଙ୍କୁ ଶିକ୍ଷା ଦେଉଥିବା ଜଣାପଡିଛି ।

ମୌଲାନାଙ୍କ କହିବାନୁଯାୟୀ, ଏହି ପ୍ରଶାସନିକ ଅଧିକାରୀମାନେ ଦଙ୍ଗା ସମୟରେ ମୁସଲିମଙ୍କ ଘରୁ ଗୋଳା ବାରୁଦ ସହ ସମସ୍ତ ହତିଆରକୁ ବେଆଇନ ଭାବେ ଜବତ କରିଥାନ୍ତି । ସେଥିପାଇଁ ଅଧିକାରୀଙ୍କୁ ଦଣ୍ଡ ଦେବା ଉଚିତ ବୋଲି ଏହି ଟେପରେ କୁହାଯାଇଛି । ଏହି ଘଟଣା ସାମ୍ନାକୁ ଆସିବା ପରେ ସମସ୍ତ ପ୍ରଶାସନିକ ଅଧିକାରୀଙ୍କୁ ସତର୍କ ରହିବା ପାଇଁ ଦିଲ୍ଲୀ ପୋଲିସ ପକ୍ଷରୁ କୁହାଯାଇଛି । ମୌଲାନା ଅସିମ ଉମରବୋର୍ନଙ୍କୁ ୨୦୧୪ରେ ଅଲ-ଜବାହିରୀ ଦ୍ୱାରା ଭାରତୀୟ ଉପମହାଦେଶର ମୁଖ୍ୟ ଘୋଷଣା କରାଯାଇଥିଲା । ତାଙ୍କୁ ମୁସଲିମ ଯୁବକଙ୍କୁ ନେଇ ଭାରତ ବିରୋଧରେ ଯୁଦ୍ଧ କରିବା ପାଇଁ କୁହାଯାଇଥିଲା । ତାଙ୍କ କହିବାନୁସାରେ ଭାରତୀୟ ମୁସଲିମଙ୍କୁ ଭାରତ ମାତା କି ଜୟ ଏବଂ ଧର୍ମ ପରିବର୍ତନ କରିବାକୁ ବାଧ୍ୟ କରାଯାଉଛି । ଯାହା କେବେ ବି ଇସଲାମରେ ଗ୍ରହଣୀୟ ନୁହେଁ ।

୮ ସନ୍ଦିଗ୍ଧଙ୍କ ସ୍କେଚ ଜାରି

ଏକ ବର୍ଷ ପୂର୍ବରୁ ଦିଲ୍ଲୀ ପୋଲିସ ଝାରଖଣ୍ଡ, ବିହାର ଏବଂ ଉତର ପ୍ରଦେଶରେ ରହୁଥିବା ୧୨ରୁ ଅଧିକ ଆତଙ୍କବାଦୀଙ୍କୁ ଗିରଫ କରିଥିଲା । ସେମାନଙ୍କୁ ଜେରା କରିବା ପରେ ଜଣା ପଡିଥିଲା କି ସେମାନେ ଅସୀମଙ୍କ ଭାଷଣ  ଶୁଣି ଅଲକଏଦାରେ ଯୋଗ ଦେଇଥିଲେ । ଏହା ସହ ପୋଲିସ ଆହୁରି ୮ଜଣ ସନ୍ଦିଗ୍ଧଙ୍କ ଫଟୋ ମଧ୍ୟ ଜାରି କରିଥିଲା ।