ଗୁଳି ବିନିମୟ : ଜଣେ ମାଓବାଦୀ ନିହତ

0
744
maoist
maoist

ମାଲକାନଗିରି  : ପୋଲିସ  ଓ ମାଓବାଦୀ ଗୁଳି ବିନିମୟ ବେଳେ ଜଣେ  ମାଓବାଦୀର  ମୃତ୍ୟୁ ଘଟିଛି। ପୋଲିସକୁ ବହୁ ମାଓ ସାମଗ୍ରୀ ମିଳିଛି। ଏବେ ମଧ୍ୟ ଉକ୍ତ ଜଙ୍ଗଲରେ କମ୍ୱିଂ ଅପରେସନ୍‌ ଜାରି ରହିଛି।

ମାଲକାନଗିରି ଜିଲ୍ଲା ମହୁପଦର ଜଙ୍ଗଲରେ ପୋଲିସ ଓ ମାଓବାଦୀ ଗୁଳି ବିନିମୟ ହୋଇଛି। ଫଳରେ ଜଣେ କ୍ୟାଡ଼ର ମାଓବାଦୀଙ୍କ ମୃତ୍ୟୁ ଘଟିଛି। ମୃତ ମାଓବାଦୀଙ୍କ ପରିଚୟ ଜଣାପଡ଼ିନି। ସର୍ଚ୍ଚ ଅପରେସନ୍‌ ବେଳେ ପୋଲିସକୁ ବହୁ ମାଓ ସାମଗ୍ରୀ ମିଳିଛି। ଏବେ ମଧ୍ୟ ଉକ୍ତ ଜଙ୍ଗଲରେ କମ୍ୱିଂ ଅପରେସନ୍‌ ଜାରି ରହିଛି। ଓଡ଼ିଶା-ଛତିଶଗଡ଼ ସୀମାନ୍ତ ମାଲକାନଗିରି ମହୁପଦର ଜଙ୍ଗଲରେ ମାଓବାଦୀଙ୍କ ଗତିବିଧି ଥିବା ଲକ୍ଷ୍ୟ କରାଯାଇଥିଲା। ଗୋଇନ୍ଦା ସୂତ୍ରରୁ ଖବର ପାଇ ଡିଭିଏଫ୍‌ ଯବାନମାନେ ଆଜି ସକାଳେ ସର୍ଚ୍ଚ ଅପରେସନ ପାଇଁ ଯାଇଥିଲେ। ଏହି ସମୟରେ ଯବାନମାନଙ୍କ ଉପରକୁ ମାଓବାଦୀମାନେ ଗୁଳି ଚଳାଇଥିଲେ। ଜବାବରେ ଯବାନମାନେ ମଧ୍ୟ ଗୁଳି ଚଳାଇଥିଲା। ପାଖାପାଖି ଅଧ ଘଣ୍ଟା ଧରି ଗୁଳି ବିନିମୟ ହୋଇଥିଲା। ପରେ ମାଓବାଦୀମାନେ ଛତ୍ରଭଙ୍ଗ ଦେଇ ପଳାଇ ଯାଇଥିଲେ। ଏବେ ମଧ୍ୟ ଉକ୍ତ ଜଙ୍ଗଲରେ କମ୍ୱିଂ ଅପରେସନ୍‌ ଜାରି ରହିଛି।