ପୋଲ ତଳକୁ ଖସିଲା ବସ୍; ୧୫ ତୀର୍ଥଯାତ୍ରୀ ଆହତ

0
822
bus
bus

ଭୁବନେଶ୍ୱର :  ତୀର୍ଥଯାତ୍ରା ସାରି ଫେରୁଥିବା  ଓଡ଼ିଶା ତୀର୍ଥଯାତ୍ରୀଙ୍କ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଝାଡ଼ଖଣ୍ଡର ଟାଟା ନଗର ପାଖରେ ଓଡ଼ିଶାର ତୀର୍ଥଯାତ୍ରୀଙ୍କ ବସ୍ ଦୁର୍ଘଟଣାଗ୍ରସ୍ତ ହୋଇଛି । ତୀର୍ଥଯାତ୍ରା ସାରି ଆଜମେରରୁ ଫେରୁଥିବା ବେଳେ ଶ୍ରୀରାମ ବେଞ୍ଜ ବସ୍ ଝାଡ଼ଖଣ୍ଡର ଟାଟା ସହର ନିକଟରେ ପୋଲ ତଳକୁ ଖସି ପଡ଼ିଥିଲା। ଫଳରେ ୧୫ଜଣ ଆହତ ହୋଇଛନ୍ତି।  ସମସ୍ତ ଆହତଙ୍କୁ ଟାଟା ମେଡିକାଲରେ ଭର୍ତ୍ତି କରାଯାଇଛି। ଓଡ଼ିଶାରୁ ୫୦ଜଣଙ୍କୁ ନେଇ ଏହି ବସ୍ ଆଜମେର ଅଭିମୁଖେ ଯାଇଥିଲା। ଏହି ବସ୍‌ରେ କଟକ, କେନ୍ଦ୍ରାପଡ଼ା ଓ ସୋର ଅଞ୍ଚଳ ଲୋକ ତୀର୍ଥ ଯାଇଥିଲେ।

ଖବର ଅନୁଯାୟୀ  ଟାଟା ନିକଟରେ ଏହି ବସ୍‌ଟି ରାସ୍ତା କଡ଼ରେ ପାର୍କିଂ କରି ଠିଆ ହୋଇଥିଲା। ଏହି ସମୟରେ ଏକ ଟ୍ରକ୍‌ ପଛ ପଟୁ ଧକ୍କା ଦେଇଥିଲା। ଫଳରେ ବସଟି ଭାରସାମ୍ୟ ହରାଇ ପୋଲ ତଳକୁ ଖସି ପଡ଼ିଥିଲା।