ବସ ଧକ୍କାରେ ଓଲଟିଲା ଆଉ ଗୋଟିଏ ବସ୍‌

0
834
bus accident
bus accident

କାମାକ୍ଷାନଗର : ରାସ୍ତାକଡ଼ରେ ଛିଡ଼ା ହୋଇଥିବା ବସକୁ ପଛ ପଟୁ ଧକ୍କା ଦେଲା ଆଉ ଗୋଟିଏ ବସ୍ । ବସ୍‌ଟି  ଓଲଟି ପଡ଼ି  ଚୂରମାର ହୋଇଯାଇଛି।  ୭୦ରୁ ଅଧିକ ଯାତ୍ରୀ ସାମାନ୍ୟ ଆହତ ହୋଇଛନ୍ତି।

ଗୋଟିଏ ବସ ରାସ୍ତାକଡ଼ରେ ଛିଡ଼ା ହୋଇଥିଲା। ଆଉ ଗୋଟିଏ ବସ୍ ଦ୍ରୁତ ଗତିରେ ଆସି ତାକୁ ପଛ ପଟୁ ଧକ୍କା ଦେଲା। ଫଳରେ ଛିଡ଼ା ହୋଇଥିବା ବସ୍‌ଟି ରାସ୍ତା କଡ଼ରେ ଓଲଟି ପଡ଼ିଥିଲା।  ତେବେ ସୌଭାଗ୍ୟବଶତଃ ଉଭୟ ବସ୍‌ରୁ କାହାରି ଜୀବନ ଯାଇନି। ଦୁଇଟି ଯାକ ବସ୍‌ରେ ଥିବା ୭୦ରୁ ଅଧିକ ଯାତ୍ରୀ କେବଳ ସାମାନ୍ୟ ଆହତ ହୋଇଛନ୍ତି। ଏ ଘଟଣା ଘଟିଛି  ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ କଟୁମୁଣ୍ଡା ଛକରେ। ଗତ ରାତି ପ୍ରାୟ ଅଢ଼େଇଟା ବେଳେ ଘଟିଛି ଏହି ଦୁର୍ଘଟଣା। ଭୁବନେଶ୍ୱରରୁ ଆସୁଥିବା ସୁଶୀଲ ନାମକ ଏକ ବସ୍‌  କଟୁମୁଣ୍ଡା ଛକ ନିକଟ ରାସ୍ତା ଉପରେ ଛିଡ଼ା ହୋଇଥିଲା। ଏତିକି ବେଳେ ଆରବି କୋଚ୍‌ ନାମ କ ଏକ ବସ୍‌ ପଛରୁ ଆସି ତାକୁ ଧକ୍କା ଦେଇଥିଲା। ସ୍ଥାନୀୟ ପୋଲିସ୍ ଓ ଲୋକେ ଆହତମାନଙ୍କୁ ଉଦ୍ଧାର କରିଥିଲେ। ଆହତମାନଙ୍କୁ ଉଦ୍ଧାର କରାଯାଇ ପରଜଙ୍ଗ ଡାକ୍ତରଖାନାରେ ଭର୍ତ୍ତି କରାଯାଇଥିଲା। କିଛି ଆହତଙ୍କୁ ତାଳଚେର ମଧ୍ୟ ପଠାଯାଇଥିଲା।

ସ୍ଥାନୀୟ ବାସିନ୍ଦା ସଞ୍ଜୀବ ନାୟକ କହିଛନ୍ତି,“ଆମେ ଖବର ପାଇ ଘଟଣାସ୍ଥଳକୁ ଆସିଥିଲୁ। ଭୁବନେଶ୍ୱରରୁ ରାଉରକେଲା ଯାଉଥିବା ଏହି ଦୁଇଟି ଯାକ ବସ୍‌ରେ ୭୦ରୁ ଅଧିକ ଯାତ୍ରୀ ଥିଲେ। ସେମାନେ ସମସ୍ତେ ସାମାନ୍ୟ ଆହତ ହୋଇଛନ୍ତି। ୪ଟି ଆମ୍ୱୁଲାନ୍ସ ଯୋଗେ ଆହତମାନଙ୍କୁ ତାଳଚେର ଓ ପରଜଙ୍ଗ ଡାକ୍ତରଖାନାକୁ ପଠାଯାଇଥିଲା।”