ମିଳିଲା ଲୁଟ ହୋଇଥିବା ଅଷ୍ଟଧାତୁ ମୂର୍ତ୍ତି

0
966
asthadhatu murti
asthadhatu murti

ବ୍ରହ୍ମଗିରି : ଲୁଟ ହୋଇଥିବା ଅଷ୍ଟଧାତୁ ମୂର୍ତ୍ତି ଓ ପ୍ରଭା ଉଦ୍ଧାର ହୋଇଥିବା ବେଳେ ଲୁଟ୍ ହୋଇଥିବା ସୁନା ଗହଣା ଏବଂ ଟଙ୍କା ମିଳିନାହିଁ । ପୁରୀ ସଦର ଥାନା ଅନ୍ତର୍ଗତ ରେଣ୍ଡାଗଡ଼ ଗାଁ ନିକଟ ନଈବନ୍ଧରେ ଥିବା ଆମ୍ୱଗଛ ମୂଳରୁ ୬ଟି ଅଷ୍ଟଧାତୁ ମୂର୍ତ୍ତି ଓ ପ୍ରଭା ଉଦ୍ଧାର ହୋଇଛି। ଏହି ମୂର୍ତ୍ତି ଓ ପ୍ରଭା ଗୁଡ଼ିକ ରେଣ୍ଡାଗଡ ନୃସିଂହ ମଠର ବୋଲି ଜଣାପଡ଼ିଛି।

ଆଜି ସକାଳେ କିଛି ପିଲା ନଈବନ୍ଧ ନିକଟ ଆମ୍ବଗଛ ମୂଳେ ଏକ ବ୍ୟାଗ ପଡ଼ିଥିବା ଦେଖିଥିଲେ। ଏହି ବ୍ୟାଗରେ ମୂର୍ତ୍ତି ଥିବା ଦେଖି ସ୍ଥାନୀୟ ନୃସିଂହ ମଠକୁ ଖବର ଦେଇଥିଲେ। ପରେ ମଠ କର୍ମଚାରୀ ମୂର୍ତ୍ତି ଏବଂ ପ୍ରଭାକୁ ଦେଖିବା ପରେ ତାହା ଉକ୍ତ ମଠର ବୋଲି ସ୍ପଷ୍ଟ କରିଥିଲେ। ଗତ ଜାନୁୟାରୀ ୮ ତାରିଖରେ ନୃସିଂହ ମଠରୁ ୬ଟି ଅଷ୍ଟଧାତୁ ମୂର୍ତ୍ତି, ପ୍ରଭା, ସୁନା କିରଟି, ରୂପା କିରଟି ଓ ଦାନ ବକ୍ସ ଲୁଟ ହୋଇଥିଲା। ଏନେଇ ମଠ ତରଫରୁ ସଦର ଥାନାରେ ଏକ ମାମଲା ରୁଜୁ ହୋଇଥିଲା। ଆଜି ହଠାତ୍‌ ମୂର୍ତ୍ତି ଏବଂ ପ୍ରଭା ମିଳିଥିବା ବେଳେ ଲୁଟ୍ ହୋଇଥିବା ସୁନା ଗହଣା ଏବଂ ଟଙ୍କା ମିଳିନାହିଁ।