ଚାର୍ଟର୍ଡ ବିମାନ ଦୁର୍ଘଟଣା : ୫ ମୃତ

0
324
plane crash in mumbai
plane crash in mumbai

ମୁମ୍ବାଇ :  ମୁମ୍ବାଇରେ ଏକ ଚାର୍ଟର୍ଡ ବିମାନ ଦୁର୍ଘଟଣାର ଶିକାର ହୋଇଛି। ଏହି ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଛି। ଫାୟର ବ୍ରିଗେଡ ଗାଡି ପହଞ୍ଚି ନିଆଁକୁ ଆୟତ୍ତ କରିଥିଲା।

ମୁମ୍ବାଇର ଘାଟକୋପର ଜନଗହଳିପୂର୍ଣ୍ଣ ଇଲାକାରେ ଗୁରୁବାର ଏକ ଚାର୍ଟର୍ଡ ବିମାନ ଦୁର୍ଘଟଣାର ଶିକାର ହୋଇଛି। ଏହି ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଛି।  ମୃତକଙ୍କ ମଧ୍ୟରେ ଦୁଇ ପାଇଲଟ, ଦୁଇ ଜଣ ଇଞ୍ଜିନିୟର ଓ ଜଣେ ଲୋକ ସାମିଲ ଅଛନ୍ତି। ବିମାନ ଯେଉଁ ସମୟରେ ଦୁର୍ଘଟଣାର ଶିକାର ହେଲା  ସେହି ଜାଗାରେ ଲୋକଙ୍କ ଯିବା ଅାସିବା  ଲାରି ରହିଥିଲା।  ପାଇଲଟଙ୍କ ବ୍ୟତୀତ ଏହି ବିମାନରେ ଦୁଇ ଜଣ ଟେକ୍ନିସିଆନ ମଧ୍ୟ ବସିଥିଲେ।  ଫାୟର ବ୍ରିଗେଡର ଗାଡି ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ୟ୍ୟ ଜାରି ରଖିଛନ୍ତି। ମୁମ୍ବାଇ ପୋଲିସ ଏହି ଘଟଣାର ତଦନ୍ତ କରାଯିବ ବୋଲି କହିଛି।

ଏହି ବିମାନ ମୁମ୍ବାଇର ଘାଟକୋପରର ସର୍ବୋଦୟ ନଗର ଇଲାକାରେ ଦୁର୍ଘଟଣାଗ୍ରସ୍ତ ହୋଇଛି। ଏହି ଘଟଣା ଅପରାହ୍ନ ୧ଟା ୧୩ ମିନିଟରେ ଘଟିଛି। କୁହାଯାଉଛି ଯେ ଏହି ବିମାନ ଜୁହୁ ବିମାନ ବନ୍ଦର ଅଭିମୁଖେ ଯାତ୍ରା କରୁଥିବା ବେଳେ ଅଚାନକ ଦୁର୍ଘଟଣାର ଶିକାର ହୋଇଥିଲା। ବିମାନରେ ନିଆଁ ଲାଗି ଯାଇଛି। ବିମାନଟି ସିଧାସଳଖ ଉକ୍ତ ଇଲାକାରେ ସ୍ଥିତ ଜାଗୃତି  କୋଠା ପାଖରେ ଏକ ନିର୍ମାଣଧୀନ କୋଠା ଉପରେ ଖସି ପଡିଛି।

 ପ୍ରଥମେ ଖବର ଆସିଥିଲା ଯେ ଏହି ବିମାନ ଉତ୍ତର ପ୍ରଦେଶର, ମାତ୍ର ସରକାରଙ୍କ ପକ୍ଷରୁ ଖବର ଆସିଥିଲା ଯେ ଏହା ୟୁପି ସରକାରଙ୍କ ନୁହେଁ। ୟୁପି ସରକାରଙ୍କ କହିବା କଥା ଏହି ବିମାନ ମୁମ୍ବାଇର ଏକ କମ୍ପାନୀ ଏଭିଏସନ ପ୍ରାଇଭେଟ୍ ଲିମିଟେଡକୁ ବିକ୍ରି କରାଯାଇଥିଲା।  ମିଳିଥିବା ସୂଚନା ମୁତାବକ ଦୁର୍ଘଟଣା ପରେ ଘଟଣାସ୍ଥଳରୁ ଜଣେ ବ୍ୟକ୍ତି ନିଆଁରେ ଜଳୁଥିବା ଅବସ୍ଥାରେ ବାହାରକୁ ଆସୁଥିବା ଦେଖିବାକୁ ମିଳିଥିଲା। ଘଟଣାସ୍ଥଳରେ ଫାୟର ବ୍ରିଗେଡ ଗାଡି ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଚଳାଇଛନ୍ତି। ଫସି ରହିଥିବା ଲୋକଙ୍କୁ ବାହାର କରିବା ପାଇଁ ଉଦ୍ୟମ କରାଯାଉଛି। ଦୁର୍ଘଟଣାର କାରଣ  ଜଣା ପଡିନାହିଁ।

ଉଲ୍ଲେଖଯୋଗ୍ୟ  ଭିଟି-ୟୁପିଜେଡ୍ ବିମାନ ୨୦୧୪ ପର୍ୟ୍ୟନ୍ତ ୟୁପି ସରକାରର ଥିଲା। ଏହି ବିମାନରେ ପ୍ରକୃତରେ କେତେ  ଜଣ ଯାତ୍ରା କରୁଥିଲେ ତାର  ସଠିକ୍ ସୂଚନା ମିଳି ପାରିନାହିଁ। ନଗର ବିମାନ ମହା ନିର୍ଦ୍ଦେଶାଳୟ ମୁତାବକ ଦୁର୍ଘଟଣାଗ୍ରସ୍ଥ ବିମାନରେ ଦୁଇ ଜଣ ପାଇଲଟ, ଦୁଇ ଜଣ ଇଞ୍ଜିନିୟର ଓ ସଡ଼କରେ ଯାଉଥିବା ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି।