ବିଜୁ ପଟ୍ଟନାୟକ ବିମାନବନ୍ଦର : ବାର୍ଡ ହିଟିଂ ମୁକ୍ତ ପାଇଁ ସଚେତନ କଲା କର୍ତ୍ତୃପକ୍ଷ

0
392
bbsr airport
bbsr airport

ଭୁବନେଶ୍ୱର :  ଭୁବନେଶ୍ୱର ବିଜୁପଟ୍ଟନାୟକ ବିମାନ ବନ୍ଦରକୁ ବାର୍ଡ ହିଟିଂରୁ ମୁକ୍ତ କରିବା ପାଇଁ ଏବେ ଏଭଳି ଅଭିନବ ଉପାୟ ଆପଣାଇଛନ୍ତି ବିମାନବନ୍ଦର କର୍ତ୍ତୃପକ୍ଷ।

ଏକ ସ୍ୱତନ୍ତ୍ର ଗାଡିରେ ଲାଗିଛି ନିବେଦନର ବାର୍ତ୍ତା। ତା’ସହ ଡାକବାଜି ଯନ୍ତ୍ର ସାହାଯ୍ୟରେ ଲୋକଙ୍କୁ କରାଯାଉଛି ସଚେତନତା। ଭୁବନେଶ୍ୱର ବିଜୁପଟ୍ଟନାୟକ ବିମାନ ବନ୍ଦରକୁ ବାର୍ଡ ହିଟିଂରୁ ମୁକ୍ତ କରିବା ପାଇଁ ଏବେ ଏଭଳି ଅଭିନବ ଉପାୟ ଆପଣାଇଛନ୍ତି ବିମାନବନ୍ଦର କର୍ତ୍ତୃପକ୍ଷ। ଏକ ଭିଡିଓ ମାଧ୍ୟମରେ ବିଭିନ୍ନ ବିମାନ ଦୁର୍ଘଟଣାର ଦୃଶ୍ୟ ଦେଖାଇବା ସହ କ’ଣ ହେଲେ ଉକ୍ତ ଅଂଚଳରେ ପକ୍ଷୀଙ୍କ ସଂଖ୍ୟା କମିବ ସେନେଇ କର୍ତ୍ତୃପକ୍ଷ ଲୋକଙ୍କୁ ସଚେତନ କରିଛନ୍ତି। ଏହାସହ ବଜ୍ୟବସ୍ତୁକୁ ଏକ ସ୍ୱତନ୍ତ୍ର ଜାଗାରେ ରଖି ବାହାରେ ପକାଇବା ପାଇଁ ନିବେଦନ କରାଯାଇଛି।

ବିମାନ ଉଡାଣ ଓ ଅବତରଣ ଦେଖିବାକୁ ବରମୁଣ୍ଡାରୁ ଜାଗମରା ବିମାନ ବନ୍ଦର ରାସ୍ତାରେ ଦିନକୁ ଦିନ ଲୋକଙ୍କ ଭିଡ ବଢୁଛି। ଭିଡକୁ ଦେଖି ଉକ୍ତ ଅଂଚଳରେ ଉଠାଦୋକାନୀଙ୍କ ସଂଖ୍ୟା ମଧ୍ୟ ବଢିବାରେ ଲାଗିଛି। ଫଳରେ ବାହାରେ କୁଢକୁଢ ମଇଳା ଓ ବଳକା ଖାଦ୍ୟ ପଡୁଛି। ଯାହାକି ପକ୍ଷୀଙ୍କୁ ଆକର୍ଷିତ କରିବା ସହ ବିମାନ ଦୁର୍ଘଟଣା ହେଉଥିବା ନଜରକୁ ଆସିଛି। ତେବେ ଏନେଇ ସଚେତନ ହେଲେ ଦୁର୍ଘଟଣା ରୋକାଯାଇପାରିବ ବୋଲି ସ୍ଥାନୀୟ ବାସିନ୍ଦା ଓ ବ୍ୟବସାୟୀ କହିଛନ୍ତି।